صباح الخير ،،،،،ازيُكم
**********
اليوم بتكلم عن منتج امريكي للجسم اسمه سنفره فرانك وفوائده وطريقه استخدامه ورأي بالمنتج
الموضوع طويل هاتي قهوتك ومخمخي عليه .....خليكم قريبين
Xoxo
تعتبر سنفره فرانك من اجمل و أشهر السنفرات وهي عباره عن حبيبات قهوه ممزوجه بزيوت مفيده تناسب الكبير والصغير حتى الاطفال والحوامل وتعالج مشاكل الجلد كالصدفيه الوجه والجسم وكمان تناسب البشره الحساسه والندب وآثار حب الشباب وتمدد الجلد
والمنتج مكوناته طبيعيه . .
السنفرات لهم نفس الوظائف وكل انواع البشرات ممكن تستخدم كل الانواع
لاكن مع اختلاف بسيط في الزيوت الطبيعيه و المكونات الإظافيه و اختلاف الفوائد الإضافي
طبعا نزلت منها اربع انواع كل نوع حسب المكونات
موضح لكم بالصوره انتي وحسب حاجتك انا شريت النوع الثاني من اليمين للبشره الحساسه
انواعها
" قهوه طبيعيه ، قهوه بالككاو ، قهوه بجوز الهند ، قهوه بالنعناع "
" طريقة الاستخدام "
على جسم مبلل تحطين السنفره على كل جسمك السنفره بودره فـ لازم يكون جسمج مبلل لان تنتثر لازم تنتبهين لنقطه هذي
توزعينها على كامل الجسم افركي السنفره بحركه دائريه و ركزي على مناطق المشكله
تخلينها من 5 إلى 10 دقايق علشان تستفيد البشره من الزيوتوكل ماطولتي افضل أحب اخليها ربع ساعه
تستخدم 2 - 4 مرات فالاسبوع الكميه ماشا الله تكفيك ٣شهور وقت الاستحمام خذي كميه قليله لان بتكفي بشكل كبير
انطباعي عن المنتج
المنتج جميل ويستاهل الضجه عليه اعطيه ١٠/١٠
الي لاحظته علي شد ملحوظ ولمعة ونظاره لوجهي وجسمي ووحدت اللون
حبيت تأثيرها ونتايجها على بشرتي
النعومه الي القاها بعد السنفره شي خيالي صراحه كأني متحممه بزبده خخخ
وان شا الله بجرب انواع ثانيه
ضروري تكون عند بنت
معتنيه بنفسها طبعا مومتوفره عندنا انا طلبتها من التاجرات
سعرها١٥٠ريال
طيب لو انتي ماتقدرين تشتريها اصنعي السنفره هذي بنفسك بثلاث أشياء
١/قهوه سودا خام
٢/سكر بني ناعم
٣/زبده الشيا او جوز الهند الي متوفر
وبس
حركي الثلاث مع بعض راح يطّلع لك منتج نفسه ونفس القوام ونفس المفعول 👍🏻
وحفظيه بعلبه ولا اسهل من كذا
هذا كان موضوع اليوم
شاكره لكم 
No comments :
Post a Comment