اساسيات الميك اب الناجح ..

اساسيات الميك اب الناجح ...

أهلين بنات ❤  كيفكم؟..

كثير بنات يساءلون عن الخطوات الاساسيه للمكياج الناجح ويبغون الشرح الوافي لها

خاصه البنات المبتدئات..بتكلم بكل شي يخص االفونديشن والكونسيلر والبرايمر ..طبعا في خطوه مهمه بخليها بموضوع منفصل والي هي الكوركتر والمصحح وكيف اخفي الهالات السوداء باذن الله عشان اعطيها حقها ...

******************

طبعا اذا انتي حابه تسوين الخطوات كامله او موضروري حسب رغبتك,,,,,,

اول شي البرايمر 

البرايمر اسمه او البيس هو كمحضر للبشره للمكياج وظيفته يثبت المكياج يصغر المسام للي بشرتها دهنيه وفي بعضهم يكون في حمايه من الشمس قوامه خفيف وتتشربه البشره بسرعه يعطي نضاره للبشره ممكن تحطيه كذا بدون فونديشن لو تبغين نضاره على بشرتك وممكن بعد تخلطيه مع الفونديشن البيس الي جربتهم اثنين فقط بيس ستروب كريم من ماك والثاني من بنفت بروفيشنال وهذي صورته 

 

اول ماتحطي على بشرتك تحسين بشرتك مخمليه وناعمه والهدف منه تصغير المسام ..

يعني المسام عندها واسع تستخدمه ..

توزعين كميه قليله بالبشره لحد ماتحسين صار ملمسها ناعم..

***************************************

نجي لثاني خطوه الفونديشن طبعا الفونديشن له تغطيات ثقيله وخفيفه ومتوسطه  واهم نقطه اختاري درجه قريبه للون وجهك ..اكبر غلط تجربين على يدك لا جربي على وجهك لان لون الوجه يختلف عن الايد وكريم الاساس في منه على اصفر ومنه لون بارد على وردي ....طيب كيف تحددي عن طريق اندرتونك ايش هو الاندرتون شوفي لون العروق الي بمعصمك اذا اللون اخضر خلاص اندرتونك دافي يعني اصفر واذا لونها ازرق يعني اندرتونك بارد اختاري على وردي طبعا الطريقه هدي تطبقينها 
على اكسسوارتك ذهب اوفضي كمان الارواج والمناكير ايش الي يناسبك من اندر تونك ..

هذا الفونديشن الي استخدمه حاليا ..

هذا فونديشن فيت مي من ميبلين تكلمت عنه البلوقر والمذيعه نهى نبيل الكويتيه وبشرتها مختلطه مثلي وشريتو على نصيحتها ممتاز تغطيته متوسطهالى خفيف طبعا لانه سائل لو ابغى اثقل ازود الكميه ممتاز جدا ناسبني حبيته من قلب يعطي لوك ناعم ولمعه حلوه على الوجه احس وجهي طبيعي ويندمج بسرعه مع البشره 

احس يناسب جميع انواع البشره بس اهم شي تعرفي ايش نوع بشرتك مثلا بشرتك جافه حطي قبله كريم مرطب وبعد الفونديشن بودره والي بشرتها دهنيه ماتحطمرطب قبله خلاص ترطيبه عالي ويكفي في فديو لميك اب ارتست استخدمته علىبشره دهنيه بحاول ابحث عنه واحطه لكم .....

بتكلم عن نوع ثاني من الفونديشن وهو الكريمي بتكلم عن اساس من كريولاين تغطيته ثقيله وعاليه يمشي مع جميع انواع البشره بس ينفع للمناسبات مو للاستخدام اليومي 
تجربتي له ناسبني ويتمدد بسهوله على بشرتي طبعا توزيع الفونديشن عموما بفرشه خاصه للفونديشن او اسفنجه بيوتي بلندر تكلمت عنها ببوست قبل بالمدونه 
طبعا فيت مي وكريولاين اخذتهم من محل بطيبه وهذي صورته 

الفونديشن الجزء الكبير هو الي له درجات الي على يمين هايلتر وكونسيلر واليسار كنتور لنحت الوجه درجاتهم ثابته بفصلهم بموضوع اخر ان شا الله,,,,

********************************************************

نجي للكونسيلر طبعا الكونسيلر نفس الفونديشن في تغطيه خفيفه يجي سايل وفي تغطيه ثقيله تجي كريميه او زي قوام الموس والستيك يعني صلب للبشرتهم دهنيه او تغطيه عاليه بتكلم عن كونسيلر من ميبلين اشتهر بقوه ممتاز كتغطيه وانصح فيه للي عندهم هالات سوداء 

طبعا في ناس تستخدمه بعد الفونديشن وفي ناس قبل انا استخدمه بعد الفونديشن واطبطب بالبورده عشان يتثبت 

الى الان ما افكر اغيره ناسبني ويستاهل المدح الي سمعته وقريته واهم حاجه يجمع بين اثنين خفيف ويغطي كويس ويندمج بسرعه وللان هو في الصداره ورقم واحد لاخفاء العيوب تحت العين ,,

*****************************************************

نجي للبودره الخطوه الاخيره الي بعد الي فوق كلهم خخخخخخ طابور بالدور

بتكلم عن بودره بن ناي اول شي سعرها :تريبا بحدود ال 80 ريال 

طبعا البودره الي منثوره تسمى بودره سائبه او لوس باودر مشهوره كثير واستخدموها كثير ميك اب ارتست على مشاهير هوليود طبعا متوفر من كذا براند بس الياشتهر هذي ولها كذا لون في لون على اصفر وفي لون على ابيض دورها تطفي عيوب البشره وتصحح اللون مثل فوق الوجنتين وتحت العين جدا خفيفه وناعمه طبعا اللون الاصفر اكثر شي مناسب لنا كعرب ولون بشرتنا يمشي معه الاصفر 

طريقه استخدامها بعد الكونسيلروانثر البودره بالفرشاه او البيوتي بلندر  بشكل متساوي تحت العيون وكامل الخد احلى مافيها تناسب جميع الوان وانواع البشره اشوفها نجحت 

لاتخافون من لونها ماراح يبان بالعكس حيبين اضاءه على بشرتك وقت التصوير

**************************************************************************************
نجي للفقره الي احبها خخخخخ:::

فقره الحواجب ورسم الحواجب والبرودكت الي استخدمهم 

اول شي الحواجب تاثر على شكلك يعني تخيلي حطتي ميك اب وشدوز وروج والحواجب مو مرتبه!! سلاااااامات خخخخ

واهم شي رسمك للحواجب يمشي مع نمو شعرات حاجبك مو تخترعين رسمه اواشكال هندسيه ونقلب حصه رياضيات خخخخ لاطبعا بتكلم عن منتج جل انستازيا الخرافي صراحه وبعد ماخلص احس حواجبي صارت زي شغل الميك اب ارتست مرتبه ومضبوطه ويبين حواجبي شكلها طبيعي قومه كريمي يرسم بسلاسه اللون الي اخذته تشوكليت يناسب لجميع انواع البشره تقريبا وميزتوا اول ماتحطيه ينشف ولايروح بسهوله الا بامويه والصابون وهذا المطلوب للحواجب طبعا استخدمه بفرشه الحواجب او الكحل المشطوفه وارسم شعره شعره بحيث اعبي الفراغات بعدين اغمق كامل الحاجب 

بعدها ارجع اعيد عليه بالشطبعا ي الجميل من من بنفت ماسكرا الحواجب 

الي عندي فاتحه عشان اوازن اللون مع الجل ومايكون كله غامق وتعطيني شكل حاد لحواجبي مو حلو كذا ابدا 

اول شي بنفت ماركه معروفه ومنتجاتها مميزه جدا حتى شكلها والديزاين كيوت ويحمسك تشترين انصحكم فيه جدا رهيب حبيتها من قلب وضد المويه بعد وفي منها ثلاث درجات اخذو الي يناسبكم 

**************************************************************

وبكذا اكون خلصت موضوعي وان شاء الله يكون موضوعي ساعدكم لو شي بسيط,,,,

 

 تابعوني على الانستقرام ....beautyboxblog

دمتم بحب ......
 ❤  ❤