كيفكم ياجميلاتي❤️
اليوم بتكلم عن منتج برونزر من شانيل اخذ ضجه كبيره تحمست اجربه ونفس الوقت خفت ماينفع لي بس لان أحب البرونز ويليق كثير علي والصيف جي برضو قلت اتوكل على الله وأشتريه
هذا شكل المنتج طبعا مايحتاج اتكلم عن شانيل من البراندات العالميه المشهوره
معلومات عن المنتج
اللون لا هو بني ولاهو برتقالي كانو شاي بحليب😁 وتقدرين تتحكمين بدرجه اللون تزيدين زي ماتحبي اللون لذيذ😍
طيب اول شي العلبه. زي منتو شايفين الغطاء يعني اسود كعاده منتجاتهم وألعلبه حجمها كبير من بلاستيك قوي
يعني ماتخافين ينكسر او شي
السعر ٢٥٨تقريبا بريال السعودي
المكان تحصلوه بهارفي نيكلز. او باريس جاليري للأسف مايتوفر هنا بسهوله بسرعه يخلص
**********
مميزاته
قوامه كريمي زي الموس توزيعه جدا سهل يناسب جميع انواع البشرات تقدري تستخدميه صباح ومساء يعطي دفئ وحيويه لبشرتك
ممكن تستخدميه قبل الفونديشن كبيس اذا اللوك برونزي او تحديد الوجه الكونتور انا تقريبا احدد عند أطراف وجهي لان وجهي عريض شوي جميل صراحه حبيته انه له استخدامات متعدده والنتيجه بطله يدوم تقريبا على البشره من٦ساعات الى٨ساعات
ابدا ابدا ماندمت اني شريته
طريقه استعماله
بفرشاه الفونديشن انا استخدم ريل تكنيك وادمج بسرعه واذا حسّيت انه خفيف ازيد آلى ان أوصل للنتيجه المطلوبه
وهذا سواتش للمنتج
الصوره من عمنا قوقل😫
هذا كان موضوع اليوم يارب يعجبكم ❤️
No comments :
Post a Comment