سلسله العطور (موسم الشتاء......

سلسله العطور الشتويه ❤ 

بوست بسيط وسريع بتكلم عن عطرين حبيتهم وقريبين لقلبي خصوصا استخدمهم فتره الشتاء 
زي ما انتم عارفين عالم العطور عالم كبير وتختلف الروائح الممزوجه فبعض فيهم الي على فواكه والي على شرقي والعطور الغربيه هذا غير البرندات الكبيره والعالميه والمحليه .
كثير احب العطور ولي ذوقي الخاص والحمد لله دايم اذا شريت عطر لازم الي حولي يساءلوني ايش اسمه من اي براند حتى زوجي يسرق عطوراتي خخخخخخ 
يعني لي باع طويل بهالمجال واحب اجرب كثير عطورات ونادر اكررهم الا اذا طحت ومحد سمى علي ووقعت في غرامه خخخخخ
والعطر لمى ترشيه يتفاعل مع جسمك مع حراره جسمك ويندمج مع كيمياء الجسم وبكذا العطر يلفت الانتباه ولمىترشين على ملابسك غير لمى ترشين على جسمك واماكن النبض اماكن النبض هي معصم اليد وخلف الاذن ووقاعده الحنجره وخلف الركبه وفوق الكاحل ....لان الجلد يختلف عن الملابس والمستوى الهرموني في جسمك كلها عوامل تاثرفي العطر وريحته.......
عشان كذا لاتستعجلين وتشترين العطر على طول لارشي وخذي لك فره بالسوق وارجعي شميه اذا عجبك اوك ماعجبك تكوني ماتسرعتي وتشوفين غيره يناسبك 
ولاتجربين اكثر من ثلاث عطور بتتلخبطين وتحوسين نفسك وخشمك كمان ماراح يميز خخخخ 


كثرت كلام عليكم بس عشان تستفيدوا وتعرفون الي يناسبكم من العطور,,,

اول عطر من chloe eau de parfum

جد جميل هالعطر ريحتو بودريه منعشه ثباته ممتاز ويفوح بسرعه مكوناته روز وعنبر  اتعب وانا اقول جميل اذا بتهدين احد يستاهل وريحتو ثقيله تناسب الفصول البارده 
او المناسبات المسائيه مثل طالعه لزواج 
بقى فيه ربع العلبه يستاهل صراحه بس عيبه النيكل الي عليه من كثر رش العطر خرب وانعدم لونه صار منظر العطر مو حلو زي ما انتم شايفين عيب تصنيعي من الشركه المفروض ماركه عالميه مايكون في كذا !
ولانو بارفام يجي تركيزه عالي اساسه زيتي وتثبت وتدوم لفتره طويله وعشان كذا سعرها مرتفع .....
مايناسب فتره الصباح ابدا ,,,سعر العطر بحدود ال 400 بس يستاهل ❤

ثاني عطر من لوكستيان Ambre loccitane
اول شي لوكستيان شركه فرنسيه للعطور ومستحضرات العنايه بالبشره والشعر اعشق هالماركه ممتازوجودتها كويسه بس عيبها اسعارها شاطحه خخخ
طبعا اول شي انا احب العنبر وفي عطور كثير يدخل بتفاصيله العنبر ونزل كثير بالبراندات العالميه زي عطر برايفت كولكشن من ايستي لودر ..
وكثير قلدوه من الشركات الجديده جربت كثير وماعجبني غير هذا جميل بجد كان مقطوع بسعوديه فتره اخذته من قطر لوكستيان فرع فيلاجيو .
ريحتو جميله اتعب وانا اقول قد ايش حلو واحب اخلطه مع اي عطر استخدمه واحب استخدمه صبح مسا امممم حتى بعد الشاور جد جد حبيته من قلب وهذا بالصوره بقا ربع العلبه وبيخلص ❤ ,,,,طبعا الحين رجع للسعوديه ورجعوا يجيبو منه اختي عجبها العطر وفعلن لقته بحياه مول لوكستيان ولهم فرع بغرناطه والنخيل ..سعره 280 تقريبا 




البوست بس عن هالعطرين الي قريبين لقلبي هالفتره وقريبا انزلكم باقي عطوري بس حصرتهم بعطرين عششان فتره الشتا اكثر يناسبهم عطور دافيه تقريبا 

ملاحظه/نصيحه مني لكم كخوات مسلمات مانتعطر واحنا طالعين بحضره رجال ,,,

دمتم بحب❤
ليلة سعيدة ,,..