السلام عليكم
كيفكم ..وكيف الاختبارات معكم وحوستها ،،الله يوفقكم يارب ،
موضوعي اليوم خفيف وظريف عندي اسفنجه بيوتي بلندر وبكتب تجربتي عنها وايجابياتها وسلبياتها ..
هذي الاسفنجه تطل عليكم يالله نبدأ
اسفنجه بيوتي بلندر ،،غنيه عن التعريف وكثير بلوقر تكلمو عنها وباليوتيوب الأجانب تكلموا عنها ونتشرت بين مشاهير ميك أب ارتست هذا الي جعلها تنتشر بشكل سريع حاصله على براءه اختراع ومصنوعة من مواد صديقه البيئة هذا الشكل الوحيد لها تعطي لوك طبيعي وتوزع الفونديشن بشكل جميل وتوصل لأماكن صعبه في الوجه والمميز بعد ان الاسفنجه ما تمتص الأساس واستخدامها اول شي تبلل بالماء وتلاحظين كيف حجمها كبر بعد المويه وهنا الميزه بلاسفنجه واعصريها عشان اطلع المويه الزايده ووزعي الفونديشن و طبطبي بشكل دائري عشان يتجانس مع البشره بشكل ناعم ، شي ثاني انا استخدمها للفونديشن وللبلشر الكريمي توزيعها جميل يعني مو محصورة على الفونديشن بس لا وكمان تقدري توزعي الكونسيلر فيها برأسها المدبب يسهل وصولك للعين ومكان مدمع العين والاسفنجه لينه يعني مريحه معاك في الشغل ،الي على اليمين جوات العلبه صغيره والي على اليسار حجمها كبر شوي مع المويه الى شريت ثنتين من حوالي ٨شهور بس للان ماحتجت اغيرها الاسفنجه بطله جدا وتنظيفها كمان سهل خذي الصابون الجامد لوكس دوف اي شي وحركي الاسفنجه عليها مع شوي مويه وغسليها بتشوفين لونها يرجع زي الحديده انصح الكل فيها لاتفوتكم ،،طبعا هي مو متوفرة عندنا تحصلي عليها اون لاين او تطلبيها من التاجرات كثيرر يوفروها
اخر شي حابه اقول حبيت هالاسفنجه ويني عنها من زمان وتعتبر شي جديد وفريد من نوعه ولقينا انتشر تقليد لها بس مو نفس النتيجه تغطيه طبيعية وجميله أنصحكم فيها جربوها
وخلصت هذا الي عندي اليوم
يارب تكونوا استفدتوا
مع السلامه
No comments :
Post a Comment