مرحبا كيفكم
طولت عليكم وحسيت اني مقصره فالمدونه اعذروني بيبي جديد وبيتي وعيالي طايره بوهتي معهم😓😫😂
وماحب اضغط نفسي جا فبالي موضوع والمزاج تمام كتبت عشان أعطي الموضوع حقه اذا المزاج مقفل احاول قد مقدر ارجع للاستقرار النفسي واتوازن 😣😫 الله يكون في العون معليش نتحمّل ونحتسب الأجر (جهاد المراءه في بيتها)👍🏻😌😁
طيب جايتكم بالموضوع هو يخص عاداتنا الغذائيه الغلط
وكيف تقدرين تكوني ذكيه بختياراتك الصحيه عشان نبعد عن شبح السمنه وعشان نكون من جوى وبرا صحيين
يعني مافي تساقط شعر مافي شحوب ومن هالاغلاط
وعشان رمضان قرب الله يجعلنا من صوامه وقوامه يارب ويتقبل منا ومنكم صالح الاعمال
وحاله العطش الي تصير ونعوض بشرب الماء
اول شي انا لي تجربه مع الأكل الصحي قصه طويله مدتها سنه مع دكتوره وانجزت إنجاز كبير بحياتي الفضل يعود لله ثم للدكتورة هذي باْذن الله بتطرق لها بتدوينه منفرده
علمتنا كيف ندخل عادات جديده صحيه لنظامنا
اول شي المويه
احنا مهملين بكميه المويه ونستهين فيها الكلى تتعب وتضرر وماتخلصين من السموم بشكل كافي تدرون قريت معلومه عند دكتور يقول للكليه اذا شربتي مويه كميه قليله تحتفظ بالي باقي من المويه عشان الساعات القادمه لأنك ماتشربي كميه كافيه وتخاف يصير في عطش لها متخيلين؟! طبعا ايش ينتج عنه حصوات كلى الي منتشره عندنا هذا غير ان الكبد ماتتخلص من السموم اهم جهازين حيوي بالجسم والي مايقدر يعيش بدونهم بعد القلب الكبد والكلى هذا من جوى يعمل كارثه طيب ومن برا شكلك الخارجي شحوب بالبشره ارق تساقط شعر وهن ودوخه لا وكله كوم والي اذا عطش يشرب عصير!!!😐😶
زوجي كان كذا يجي يقولي عطشان ويفتح الثلاجه ويشرب عصير !!
انصدمت ويين هذا اكبر غلط العصير مايكفي حاجتك للماء ولا واحد بالمئه لان كله مواد صناعيه مضره
اول شي سويته اني انا اطبق الشي هذا قدام اسرتي زوجي وعيالي عشان هم يقلدوني او يتأثرون مني (إن الله لايغير بقوم حتى يغيروا مافي أنفسهم) وقيسوا عليها كل شي بحياتكم بتغيروه
انا عارفه بيجوني ناس ليقولون مانحب المويه مانستيغ نشرب كميات كبيره او على الريق يحسون بلوعه او شعور الغثيان
والله للأسف احنا حارمين نفسنا من نعمه كبيره الي هي المويه
وعارفه ان أغلبكم مايشرب مويه الا اذا حست بعطش وهذا اكبر غلط احتياج الانسان للمويه من لتر الى لترين باليوم !متخيلين حجم التقصير في حق أنفسنا
نجي لوقت التغير الوقت الي نتعامل مع الماء والغذاء الصحي بنظام حياه صحي شامل طول العمر
كيف؟؟؟؟
اول شي عشان تلتزمين بشرب الماء عليك تخلين المويه بمكان قريب منك عشان تتذكريها
ثاني شي البراده غلط تكون بالمطبخ انا البراده حطيتها بين غرفتي وغرفه عيالي يعني الي يمر على السيب هذا يتذكر قمتي من النوم تتذكرين وتشربين قمتي الصبح غسلتي وجهك توضيتي للصلاه خذي كاس على دربك
اول مابديت كنت اشتري مطارات واحط شويه ورق نعناع او ليمون وفراوله شريحه رايحه جايه بالمويه تخلص واعبي زوجي انهبل قال امشي نحللك يمكن فيك سكر😆😌مايشجع على التغير خخخخخخ قلت لا اطمن بس بعود نفسي اني اشرب مويه
وربي بدون مبالغه شعري صار مايتساقط بشرتي ماشا الله لمى احط مكياج فرقت معي اول لازم قشور اكتشفت من اكلنا الخايس الي مافيه فوائد وقل شرب الماء بشرتي صارت نضره فيها لمعه صحيه الحمدلله
طبعا بالبدايه بتروحين وتجين على الحمام كثير بعدين خلاص تتعودين ويخف هالشعور كان معي دوخه من صغري معي انخفاض ضغط يوم توازن بشرب الماء راح الحمدلله
حتى اثناء الحمل الحمدلله استمريت على العاده هذي وبعد الولاده لايخوفونكم ألي يقولون لاتشربين مويه بالنفاس لاتصدقونهم اكبر غلط اجل كيف السوائل الي مخزنه تسع شهور تطلع !!كيف تجددين صحتك من جوى البنج كيف يطّلع من جسمك اذا ماتشربين مويه بولادتي القيصري الاخيره اخترت بنج نصفي بعد ماولدت جت عندي طبيبه البنج قالت ابيك كل يوم تشربين عشر قوارير مويه الصغيره ام ريال فعلن يوم بديت اشرب وبدا يطّلع البنج من جسمي بديت اصحصح اول فجاءه انام خخخخ
ملاحظه بيسطه للحوامل(اول حمل لي توفى طفلي بشهر التاسع ببطني بسبب الزلال اهملت شرب الماء بدا يتكون الزلال عباره عن بروتين يترسب بالكلى ويسبب حبس السوائل بالجسم وينتج عنه ارتفاع بالضغط ويضر الأعضاء الحيوية الي حصل معي فقدت طفلي نتيجه ارتفاع الضغط صار معي ضعف بالكلى الي يومكم هذا!) شفتو هذا بس بسبب قل شرب الماء فمابالكم الحامل
ياليت تستفيدوا من القصه وتصير عبره لكم ويارب محد يمر بالي مريت فيه ❤️
الشراهه بلاكل والجوع بيخف ماعاد اكل زي اول ليش لان اذا حسيتي بالجوع جربي اشربي مويه لان احيانا يكون عطش مو جوع 👍🏻
وبس هذا الشي الي استمريت عليه حبيت تشاركوني فيه و
والحين شغاله على نفسي بلاكل الصحي وأحاول ابتكر وصفات عشان ما ازهق منه ويارب ماتنتهي سنه٢٠١٥الا ونظامي صحي بشكل كامل ١٠٠/١٠٠
اذا شفتكم متفاعلين نزلت قصتي مع الوزن وطبيبه التغذيه☺️
شاركوني بصفحتي على الانستقرام احبكم💋❤️
